كشفت المطربة جنات، موقفها من مطالبات المطربين والمطربات مؤخرا بحذف أغانيهم بعد وفاتهم، من منطلق أن الموسيقى حرام.
وقالت جنات خلال لقائها مع القاهرة 24: الحرام بيّن والحلال بيّن.. وأنا مقتنعة إن اللي بيقدم فن محترم ده مش عيب ولا حرام.. أنا بقدم أغاني بتغذي الروح فـ أحب إنها تعيش وتفضل طول العمر.
من جانبه، علق أيضا المطرب أبو على هذا الجدل حول مطالبات حذف الأغاني بعد الوفاة، وقال أبو في لقائه السابق مع القاهرة 24: أنا لو بعمل حاجة وعارف إن هي حرام مش هعملها، 100% بدون أدنى شك مش شايف أي حرمانية في الأغاني، دلوقتي المحتوى بقى قصف وقتل والوحيد اللي بيخلينا نسمى بـ نفسنا هو الفن سواء أغاني أفلام، المحتوى مهم بيعرف يطلع نفس البني آدم شوية.
وطرحت جنات مؤخرا أغنية النص اللي يخص، وهي أولى أغنيات ألبومها الغنائي الجديد، تمهيدًا لإصدار باقي أغنيات الألبوم يوم 6 أغسطس المقبل، أغنية النص اللي يخص من كلمات سيد حسن، وألحان محمود أنور، وتوزيع يوسف حسين، وتم طرحها عبر موقع يوتيوب والمنصات الموسيقية المختلفة.
