أبريل 22, 2015
عدد المشاهدات 1520
عدد التعليقات 0
يا معتدي ايش جابك!
كلمات/ علي منصور أحمد
يا معتدي ايش جابك .. يا اللي علينا غزيت
قل لنا ايش صابك .. على الجرايم نويـــــت
اشعلت نارك بنفسك .. من نارها واشتويت
استقبلوك النشاما .. واسقوك لما رويــــت
وزغردين الصبايا .. من كل حارة وبيـــت
****
يربون لي ما تربا .. ربـــوك لا ما ربيــــت
من صروف الهدايا .. أعطوك من ما هويت
لي قلت عنهم رعايا .. دقوك لما بكيـــت
استقبلوك النشاما .. واسقوك لما رويـت
وزغردين الصبايا .. من كل حارة وبيـــت
****
ياخصم بالقتل تفلح .. بكل القذائف رميــت
بديت غازي مسلح .. على بلادي اعتديـت
من المذلــق تفلّح .. مادامــــك انته بديت
استقبلوك النشاما .. واسقوك لما رويـــت
وزغردين الصبايا .. من كل حارة وبيـــت
****
يا اللي تدوّر سبايا .. أغروك لما استبيــــت
كشفت كل الخبايا .. والأنفاق لي انته بنيـت
عقاب سوء النوايا .. ذوقه على ما شتهيــت
استقبلوك النشاما .. واسقوك لما رويــــت
وزغردين الصبايا .. من كل حارة وبيـــت
****
عدن عدن يامخاوي .. عدن غضبها مميــت
غروك أهل الفتاوي .. بالكذب لاعد فتيـــت
با تكتوي بالمكاوي .. مثلما انته كويـــــــت
استقبلوك النشاما .. واسقوك لما رويــــت
وزغردين الصبايا .. من كل حارة وبيـــت
****
عدن
21 ابريل 2015م
ali mansoor
alwelidy@gmail.com
